14. maí 2006

Fréttir af aðalfundi BFÍ 2006


Aðalfundur BFÍ 2006 var haldinn í Kornhlöðunni, veislusal veitingahússins Lækjarbrekku við Bankastræti 29. apríl s.l.

Júlíus Finnsson formaður BFÍ setti fundinn, Ólafur Halldórsson var einróma samþykktur fundarstjóri og Halldór Jón Karlsson fundarritari. Fundinn sátu 17 byggingafræðingar. Formaður flutti skýrslu stjórnar og kom fram hjá honum að síðasta ár hefði verið að mestu hefðbundið hvað störf stjórnar félagsins varðar. Haldnir voru átta stjórnarfundir og fjórir vinnufundir. Á starfsárinu fengu 20 byggingafræðingar löggildingu til þess að mega leggja inn aðal- og bygginauppdrætti og 27 fengu leyfi til þess að mega kalla sig byggingafræðinga. Ágúst Þór Gunnarsson gjaldkeri BFÍ las upp reikninga félagsins og voru þeir samþykktir.

Júlíus gaf kost á sér sem formaður og var endurkjörinn einróma.

Tillaga stjórnar að uppstillingu annarra stjórnarmanna var samþykkt einróma, sjá stjórn.

Endurskoðendur BFÍ voru kostnir Hjálmar Örn Guðmarsson og Guðmundur Jónsson.
Tillaga stjórnar um óbreytt félagsgjald 10.000 kr. var samþykkt.
Undir liðnum önnur mál voru líflegar umræður og greinilegt er að byggingafræðingar líta björtum augum á framtíðina.
Að fundi loknum bauð félagið upp á sjávarréttasúpu.
Til baka