11. mars 2008
Byggingafræði BSc hefst við Háskólann í Reykjavík haustið 2008
Byggingarfræði er 60 eininga fjarnám með staðarnámslotum að loknu 45 eininga námi í byggingariðnfræði.
Haustið 2008 hefst nám í byggingarfræði við Háskólann í Reykjavík. Byggingarfræði við HR er 105 eininga nám til BSc gráðu og er námið eingöngu ætlað þeim sem lokið hafa sveinsprófi í byggingariðngrein. Um er að ræða 60 eininga viðbót við byggingariðnfræði. Kennt er í fjarnámi með verkefnalotum í staðarnámi.
Inntökuskilyrði:
Fyrir þá sem lokið hafa 45 eininga námi í byggingariðnfræði (6 annir).
Fyrirkomulag náms er eftirfarandi:
7. 11. önn: Bóknám - 7,5 einingar á önn. Verkefnavinna er um 2/3 af námsvinnunni (5 ein. á önn) og fagtengd námskeið um 1/3 (2,5 ein. á önn). Verkefnavinnan byggist að hluta á námsefni fyrri anna og að hluta á nýju efni.
12. önn: Starfsþjálfun og skýrslugerð - 12,5 einingar
13. önn: Lokaverkefni - 10 einingar